BIBLIOTEKA ONLINE Watchtower
Watchtower
BIBLIOTEKA ONLINE
Papiamentu (Kòrsou)
  • BEIBEL
  • PUBLIKASHON
  • REUNION
  • w15 1/10 pág. 5
  • Dikon Dios Ke pa Nos Resa na Dje?

No tin vidio disponibel pa esaki.

Despensa, tin un problema pa habri e vidio.

  • Dikon Dios Ke pa Nos Resa na Dje?
  • E Toren di Vigilansia Anunsiando e Reino di Yehova Dios—2015
  • Suptema
  • Informashon Similar
  • Dios ke pa bo ta su amigu.
  • Dios ke yuda bo.
  • Hende tin mester di Dios.
  • Dios Ta Skucha Bo Orashonnan?
    E Toren di Vigilansia Anunsiando e Reino di Yehova (Edishon pa Públiko) 2021
  • Pregunta Ku Beibel Ta Kontestá
    E Toren di Vigilansia Anunsiando e Reino di Yehova Dios—2014
  • Halando Cerca Dios den Oracion
    Kico Dios Ta Rekerí di Nos?
  • Yehova Ta Skucha Nos?
    Skucha Dios i Biba pa Semper
Mas Artíkulo
E Toren di Vigilansia Anunsiando e Reino di Yehova Dios—2015
w15 1/10 pág. 5

TÓPIKO PRINSIPAL | ORASHON TA YUDA KU ALGU?

Dikon Dios Ke pa Nos Resa na Dje?

Dios ke pa bo ta su amigu.

Amigunan ta komuniká ku otro pa hasi nan amistat mas fuerte. Dios tambe ke pa bo papia kuné pa bo por ta su amigu. E ta bisa: “Boso lo sklama na mi i bin hasi orashon na mi, i lo mi skucha boso.” (Yeremías 29:12) Ora bo ta papia ku Dios, lo bo ‘hala serka dje, i lo e hala serka bo.’ (Santiago 4:8) Beibel ta sigurá nos ku Yehova “ta serka di tur esnan ku ta sklama na dje.” (Salmo 145:18) Mas nos resa na dje, mas será nos amistat kuné lo bira.

Yehova “ta serka di tur esnan ku ta sklama na dje.”—Salmo 145:18

Dios ke yuda bo.

Hesus a bisa: “Tin un di boso ku si su yu pidié pan, e ta dun’é un piedra? Òf si e pidié un piská, e ta dun’é un kolebra? P’esei, si boso . . . sa di duna boso yunan bon regalo, kuantu mas boso Tata ku ta den shelu! E sigur lo duna kos bon na esnan ku pidié.” (Mateo 7:​9-11) Sí, Dios ke pa bo resa na dje pasobra ‘e ta interesá den bo’ i ke yuda bo. (1 Pedro 5:7) I e ta asta bisa bo pa papia kuné tokante bo problemanan. Beibel ta bisa nos: “No sea anshá tokante nada; mas bien, den tur kos, pa medio di orashon i súplika huntu ku gradisimentu, laga Dios sa kiko ta boso petishonnan.”—Filipensenan 4:6.

Hende tin mester di Dios.

Ekspertonan den komportashon humano a nota ku sientos di miónes di hende, inkluso algun ateista i agnóstiko, ta sinti ku nan tin ku hasi orashon.a Esaki ta konfirmá ku hende tin mester di Dios. Hesus a bisa: “Felis ta esnan ku ta konsiente di nan nesesidat spiritual.” (Mateo 5:3) Un manera ku nos por satisfasé e nesesidat akí ta ora nos ta papia regularmente ku Dios.

Ki benefisio nos lo haña si nos aseptá Dios su invitashon pa resa na dje?

a Na 2012, un enkuesta di e Sentro di Investigashon Pew a indiká ku 11 porshento di ateista- i òf agnóstikonan na Merka ta hasi orashon por lo ménos ún biaha pa luna.

Kiko Nos Por Inkluí den Nos Orashonnan?

Beibel ta mustra ku nos por hasi orashon tokante kualke aspekto di nos bida. Ora nos ta resa na Dios, nos por:

  • Pidi Pordon “Mi a atmití mi piká na bo, i mi inikidat . . . mi no a skonde.”​—Salmo 32:5.

  • Duna Gradisimentu “Ta bon pa duna gradisimentu na Yehova.”—Salmo 92:1, NW.

  • Duna Alabansa “Mi ke alabá SEÑOR tur tempu, su alabansa lo no kita fo’i mi boka.”—Salmo 34:1, BPK.

  • Pidi Guia “Hasi mi kana den e berea di bo mandamentunan, pasobra mi tin delisia den dje.”—Salmo 119:35.

  • Pidi Forsa “Bira wak mi, i tene miserikòrdia di mi; duna bo sirbidó bo fortalesa.”—Salmo 86:16.

    Publikashonnan na Papiamentu (Curaçao) (1986-2025)
    Log Out
    Log In
    • Papiamentu (Kòrsou)
    • Kompartí
    • Preferensia
    • Copyright © 2025 Watch Tower Bible and Tract Society of Pennsylvania
    • Kondishonnan di Uso
    • Maneho di Privasidat
    • Konfigurashon di Privasidat
    • JW.ORG
    • Log In
    Kompartí