PREGUNTA KU BEIBEL TA KONTESTÁ
Un mundu sin pobresa ta posibel?
Kon Dios lo kaba ku pobresa?—Mateo 6:9, 10.
Tur aña, malnutrishon i malesa kousá pa pobresa ekstremo ta kosta bida di míles di hende. Maske tin paisnan na mundu ku ta riku, gran parti di humanidat ainda ta biba den pobresa ekstremo. Beibel ta indiká ku semper pobresa tabata eksistí.—Lesa Huan 12:8.
Pa por kaba ku pobresa, mester bini un gobièrnu mundial ku e poder di distribuí e rekursonan di nos planeta na un manera hustu i kaba ku guera, ya ku ta esei ta un dje kousanan prinsipal di pobresa. Dios a primintí di trese un gobièrnu asina.—Lesa Daniel 2:44.
Ken por kaba ku pobresa?
Dios a skohe su Yu, Hesus, pa goberná riba henter humanidat. (Salmo 2:4-8) Hesus lo salba e pobernan i pone fin na opreshon i violensia.—Lesa Salmo 72:8, 12-14.
Hesus, e “Prens di Pas,” lo trese pas i siguridat pa henter mundu. E ora ei, tur hende riba tera lo biba den nan mes kas, disfrutá di trabou ku ta duna satisfakshon i lo tin sufisiente kuminda pa kome.—Lesa Isaías 9:6, 7; 65:21-23.