Papia e Berdad cu Bo Próhimo
1 Un dje dos mandamentunan di mas grandi ta: “Bo mester stima bo próhimo mescos cu bo mes.” (Mat. 22:39) Tal amor lo impulsá nos pa compartí cu nos próhimo lo mihó cu nos tin—e berdad cu nos a haña den e Palabra di Dios. Ya cu e revistanan Toren di Vigilancia i Spierta! ta amplificá e Bijbel su mensahe dje berdad, distribuyendo e revistanan aki durante e luna di mei ta un manera pa nos ‘papia e berdad cu nos próhimo.’—Efe. 4:25.
2 Mester ofrecé e “¡Despertad!” di 22 di april te ora cu bo stock caba. Bo por iniciá bo presentacion dor di puntra:
◼ “Kico bo ta pensa di un mundu sin guera? [Permití contesta.] Bo tabata sa cu e religionnan di mundu en realidad ta promové guera i matamentu? [Permití contesta.] Na contraste skerpi, tuma nota di loke Bijbel ta bisa cu e berdadero adoradornan di Dios lo haci.” Lesa Isaías 2:2-4 parti ariba di página 4 dje revista, i despues na página 10 lesa e promé paragraf bou dje subtema “Yamada na Stimadornan di Pas.” Siguientemente, puntra: “Bo sa con Dios lo haci esei? E contesta ta ser hañá den e revista aki, i esaki ta bo copia pa lesa.”
3 Ora di ofrecé e “Toren di Vigilancia” di 15 di mei, purba referí na un suceso di noticia recien cu a pone hende sinti nan insigur, i despues puntra:
◼ “Kico bo ta pensa lo ta necesario pa laga nos sinti berdaderamente sigur den e bida aki? [Permití contesta.] Francamente, ta realístico pa confia den hende pa resolvé e problemanan cu humanidad ta confrontando? [Permití contesta; anto lesa Salmo 146:3.] E salmista siguientemente ta duna nos motibu pa ta optimista tocante e futuro. [Lesa Salmo 146:5, 6.] E artículo aki, ‘Berdadero Siguridad, Awor i Pa Semper,’ ta splica pakico nos por confia den Jehova Dios pa trece mihó condicionnan n’e tera.” Ofrecé un set di revista i tambe pa bolbe bek pa considerá con ta posibel pa disfrutá di un bida sigur awor aki mes.
4 E artículonan dje portada dje “¡Despertad!” di 22 di mei lo mester capta e interes di hende tantu den e teritorio di cas-pa-cas como di negoshi. Lo bo por introducié dor di bisa:
◼ “Hopi hende muher a pasa dor dje pesadia di a ser molestiá sexualmente na trabou. E situacion a bira asina serio cu cortenan a cuminsá castigá ofensornan i compensá víctimanan. Como un servicio n’e comunidad, nos a publicá e informe aki, cu ta core cu e mitonan comun tocante e asuntu. Tambe e ta duna ideanan práctico pa hende muher i hende homber en cuanto con pa protehá nan mes di sea bira víctima of di ser acusá di molestia sexual. Lo bo tin gana di lesa e edicion aki dje revista ¡Despertad!? [Permití contesta.] Nos ta laga nos revistanan pa un contribucion chikitu.”
5 Si bo ta preferá un presentacion breve, lo bo por purba esaki:
◼ “Hopi hende ta haña cu mayoria revista popular djawe ta presentá demasiado comercialismo, sex of violencia. [Mustra E Toren di Vigilancia i Spierta!] Nos ta ofreciendo e revistanan saludabel aki cu ta basá riba e Bijbel. Nan ta masha educacional i ta siña nos adorá Dios, stima nos próhimo, i mantené conducta recto. Si bo ta preferá e tipo di material aki pa lesa, mi sa cu lo bo disfrutá di loke bo ta haña den e edicionnan aki.”
6 Si nos ta celoso den papia e berdad cu nos próhimo, nos lo por trece masha goso pa hopi hende.—Echo. 8:4, 8.