Sigui Papia e Berdad
1 E apostelnan a declará: “Nos no por stop di papia tocante loke nos a mira i a tende.” (Echo. 4:20) Awe nos tambe mester sigui papia e berdad. Aunke e distribucion di E Toren di Vigilancia i Spierta! ta un manera pa localisá esnan cu lo scucha, nos mester bolbe pa nos por siña esnan interesá mas tocante e berdad.
2 Ora di haci rebishita caminda a laga e edicion special dje “¡Despertad!” di april cu su tema “Ora Lo No Tin Guera Mas,” lo bo por introducí un studio di Bijbel dor di puntra:
◼ “Ultimo biaha, nos a papia tocante e gueranan dje nacionnan i e parti cu religion tin den nan. Bo a realisá cu tal sucesonan ta proba claramente cu nos ta bibando den loke Bijbel ta yama e último dianan? [Mustra e buki Conocimentu. Lesa e promé paragraf di capítulo 11, i resaltá e cuadro na página 102.] E buki aki ta splica e tema aki huntu cu 18 otro tema mas mencioná aki den e contenido. [Mustra página 3.] Si bo permití mi, lo mi kier demostrá con e buki aki por yudá bo haña un comprendimentu di e asuntunan importante aki di Bijbel.” Si bo ser permití, cuminsá un studio na página 6.
3 Si bo a primintí di bolbe i splica con ta posibel pa disfrutá di un bida sigur awor, lo bo por bisa algu asina aki:
◼ “E promé biaha cu nos a topa, mi a compartí cu bo un pasashi for di Bijbel cu ta duna nos motibu pa ta optimista tocante hende su futuro. Awe lo mi tin gana di hala bo atencion na algu cu ta mustra ken ta esun cu por duna nos un sintimentu di siguridad awor aki mes.” Lesa Salmo 4:8. Den e buki Conocimentu bai na página 168 i lesa §19. Anto puntra: “Lo bo deseá di tin un studio di Bijbel grátis na cas cu ta mustra claramente con abo tambe por haña e clase di siguridad aki den bo bida?” Si e contesta ta sí, bai na capítulo 1.
4 Pa agregá na bo ruta di revista esnan cerca ken bo a laga e “¡Despertad!” di 22 di mei, lo bo por purba e introduccion aki:
◼ “Bo a parce bastante ansioso pa lesa e revista Spierta! cu mi a laga cu bo riba e tema di molestia sexual na trabou. Bo a haña e artículonan interesante? [Permití contesta.] Hende cu regularmente ta lesa e Spierta! hopi bes ta bisa cu nan ta apreciá e manera imparcial i cabal cu e revista ta trata temanan importante asina. Mi ta kere cu lo bo haña cu esaki ta cierto tambe dje edicion mas recien aki. [Brevemente presentá e artículo dje portada.] Lo bo kier les’é?”
5 Lo bo por haci un oferta directo pa un studio durante e rebishita dor di bisa:
◼ “Nos ta distribuí nos revistanan mundialmente pa informá hende na tur parti tocante loke Bijbel ta siña. Si un hende apreciá loke e ta siña, nos ta ofrecé un studio di Bijbel grátis na cas. [Referí na e cuadro ‘Lo Bo Deseá un Bishita?’ riba e kaft patras di E Toren di Vigilancia.] Nos ta usa e buki aki, Conocimentu cu Ta Hiba na Bida Eterno, como un guia. Lagá mi mustrá bo brevemente con e studio ta bai.”
6 Si nos sigui papia e berdad, nos por ta sigur cu lo tin algun hende cu lo tende i reaccioná faborablemente.—Mar. 4:20.