Tin Mester di Mas Ruman Homber den e Sirbishi di Pionero
1 Pablo a urgi nos pa ‘semper tin hopi di haci den e trabou di Señor.’ (1 Cor. 15:58) Pa hopi ruman, esaki ta nificá drenta e sirbishi di pionero. September aña pasá, mas cu 5.000 ruman na Merca a ser agregá n’e fila di pioneronan!
2 Actualmente e mayor cantidad di esnan cu ta sirbi como pionero den e pais aki ta rumannan muher. (Sal. 68:11) Ki un goso lo ta pa e congregacion si mas ruman homber lo por uni n’e fila di sirbidornan di tempu completo! (Sal. 110:3) Ta di comprendé cu hopi ruman homber tin cu atendé obligacionnan pisá di trabou seglar i di famia. Otronan tambe ta traha duru pa atendé e necesidadnan spiritual dje congregacion. Nos ta apreciá e hombernan aki cu ta forsa nan mes na fabor dje Reino.—1 Tim. 4:10.
3 No obstante, mas di boso, rumannan homber, lo por drenta e sirbishi di pionero? Si bo esposa ta trahando pionero, bo por djoin e? Si bo ta un penshonado, lo bo no ta di acuerdo cu no tin un manera mas satisfaciente pa pasa bo tempu cu den e ministerio di tempu completo? Si net bo ta cabando scol, bo a pensa seriamente i huntu cu oracion pa drenta e sirbishi di pionero como un trampolin na mas privilegionan di sirbishi?—Efe. 5:15-17.
4 Un ruman homber a bende su negoshi próspero i a tuma trabou ‘part-time’ pa asina e por a traha pionero. Cu su excelente ehempel, tres di su cuater yunan a bira pionero asina cu nan a caba scol. E di cuater tabata ansioso pa djoin nan. E ruman homber aki i su famia a ser bendicioná ricamente.
5 Un Porta Grandi Ta Habrí: Sirbishi di pionero por habri “un porta grandi cu ta hiba na actividad.” (1 Cor. 16:9) Rumannan homber cu ta pionero lo por ser usá extensamente den e congregacion. Actividad celoso den sirbishi di veld ta aumentá nan spiritualidad i ta contribuí na nan progreso teocrático. Trahando pionero por habri e caminda pa mas privilegionan di sirbishi. Despues dje promé aña di traha pionero, tin e bendicion di asistí n’e Scol di Sirbishi di Pionero. Sirbidornan ministerial i ancianonan soltero por extendé nan mes pa asistí n’e Scol di Entrenamentu Ministerial. Parehanan casá cu ta cualificá por aplicá pa Scol di Galad. Rumannan homber cu tempu por cualificá p’e trabou di superintendente biahero. Sí, e ministerio di pionero ta habri e porta n’e mayor privilegionan di sirbishi aki den e organisacion di Jehova.
6 Rumannan homber cu por traha lugá pa sirbishi di pionero regular por experenciá e mayor goso cu ta bini dor di duna mas.—Echo. 20:35.