Contribucionnan n’e Sociedad Su Trabou Mundial Ta Apoyá Expansion
Manera a ser profetisá na Isaías 54:2, 3, Jehova su adoracion puru ta sigui expandé na tur parti dje tera. Esaki ta incluí vários pais riba e continente africano i su islanan cercano. Durante e último dies añanan, restriccionnan riba actividad di Reino a ser kitá den lugánan manera Angola, Camerun, Etiopia, Guinea Ecuatorial, Madagascar, Malawi, Mozambique i Togo. Den e paisnan aki i otronan caminda e campo tabata blancu pa cosechá, cientos di misionero di Galad, graduado dje Scol di Entrenamentu Ministerial, miembro di famia di Betel i otronan a aceptá asignacionnan einan.—Mat. 9:37, 38.
Ta obvio cu e aumento di adoradornan berdadero den Jehova su organisacion ta rekerí construccion di cientos di Salonnan di Reino nobo. Tambe tabata necesario pa planea pa construí of expandé Salonnan di Asamblea i complehonan nobo di sucursal. Financiamentu dje proyectonan aki i tambe mantené e progreso dje obra di Reino no solamente na Africa sino tambe den otro partinan di mundu a usa hopi dje contribucionnan n’e obra mundial di Sociedad.
E potretnan i pinturanan riba e dos páginanan dje suplemento aki ta duná bo un idea di loke Sociedad ta purbando di logra den e campo africano. Loke ta ser mustrá ta algun dje trabounan di construccion cu ta den progreso awor aki i proyectonan cu lo cuminsá pronto.
Dor di chek e cuadro di sirbishi di veld den e Anuario para 1996, bo por haña un mihó idea di loke e publicadornan den e paisnan aki ta haciendo den e ministerio. Aumentonan sobresaliente a bin ta tuma lugá den hopi pais, i e potencial pa crecementu ta ser reflehá den e asistencianan extraordinario na Memorial. Ora nos tene na mente loke ta ser lográ como parti dje trabou mundial di predicacion di Reino i hacimentu di disipel riba otro continentenan, esei ta haci nos masha conciente di ki un privilegio nos tin pa apoyá den un manera material e causa di adoracion berdadero.—Luc. 16:9; 1 Tim. 6:18.
[Picture on page 3]
Salon di Reino na KwaZulu-Natal, Sur Africa, trahá den 9 dia
[Picture on page 3]
Salon di Reino económicamente construí na Nigeria
[Picture on page 3]
Salon di Asamblea na Mozambique cu capacidad pa 1.500 persona, lo ta cla na cabamentu di 1996
[Picture on page 3]
Compleho di sucursal di Mozambique, lo ta cla pa usa den otoño di 1996
[Picture on page 3]
Sucursal di Sierra Leone, programá pa caba e zomer aki
[Picture on page 4
Salon di Asamblea na Maurítius, cu bandanan habrí i cu ta cla caba, huntu cu compleho di sucursal, cu lo ta cla den primavera di 1997
[Picture on page 4
Sucursal di Zimbabwe den construccion
[Picture on page 4
Salon di Asamblea cu bandanan habrí i sucursal nobo den construccion na Senegal
[Picture on page 4
Sucursal nobo di Kenya, den e capital, Nairobi
[Picture on page 4
Sucursal di Madagascar, cu pronto lo ta cla
[Picture on page 4
Edificionan proponé pa sucursal di Malawi