Bo Tin un Cuota?
1 Bo a yega di bai reunion pa sirbishi di veld i a ripará cu bo no tin revista den bo tas di sirbishi? Wel, corda riba e suplemento di Nos Ministerio di Reino di september 1995 titulá “Haci e Mihó Uso di Nos Revistanan.” E artículo a bisa pa nos “tin un cuota,” i a declará: “Entregá na e ruman encargá cu revista un pedido realístico pa un cantidad fiho di copia di cada edicion. Den e manera aki, abo i bo famia lo tin un suministro regular i adecuá dje revistanan.” Bo a haci esaki?
2 Pakico no pidi un cuota di revista? Lo bo sinti un mayor responsabilidad pa distribuí e revistanan siman tras siman, i lo bo experenciá mas goso den haci esei. Si ya caba bo tin un cuota, reevaluá si bo ta obteniendo e cantidad cu bo mester pa un luna normal den e ministerio. Ta claro cu nos kier ta fiel den tuma nos cuota tur siman i nos mester sinti un obligacion pa haci esei. Si bo no ta bai t’ei den congregacion pa un tempu largu, laga e sirbidó di revista sa si bo kier of no pa e duna otro hende bo revistanan te ora cu bo regresá.
3 E mésun suplemento citá ariba a bisa tambe cu nos mester “programá un dia di revista regular.” Abo por apoyá e Dia di Revista semanal? Manera e kalender di Testigonan di Jehova pa 1999 ta mustra, esaki ta tur diasabra di aña! No balotá e importancia di distribuí e revistanan E Toren di Vigilancia i Spierta! Ora nos haci un esfuerso pa participá plenamente den e actividad di revista, nos ta “trece bon nobo di algu mihó” na nos próhimo.—Isa. 52:7.