Caha Di Pregunta

◼ Cua publicacionnan nos tin cu studia cu hende nobo promé cu nan bautismo?

Promé cu un persona por dedicá su bida na Jehova i bautisá, e mester adkerí conocimentu exacto. (Juan 17:3) Lo e obtené e informacion cu e mester dor di studia tantu e foyeto Kico Dios Ta Rekerí di Nos? como e buki Conocimentu cu Ta Hiba na Bida Eterno. Den mayoria caso ta studia e foyeto Rekerí promé. Pero, si a cuminsá e studio for dje buki Conocimentu, lo studia e foyeto Rekerí despues cu caba cu e buki. Pakico esaki ta necesario?

E foyeto Rekerí ta duna un cuadro general dje siñansanan básico di Bijbel. Si studi’é promé, lo e duna e studiante un comprendimentu fundamental dje rekisitonan pa agradá Jehova. Si studi’é último, e ta sirbi como un excelente repaso di loke a trata den e buki Conocimentu. Den ámbos caso, animá e studiante pa busca e textonan i meditá riba nan. Haci sigur di hala atencion na e plachinan, ya cu nan ta un yudansa masha eficas pa siña.—Mira E Toren di Vigilancia di 15 di januari 1997, página 16-17.

Una bes un studiante di Bijbel a completá un studio di ámbos publicacion, lo e por contestá tur e preguntanan cu e ancianonan lo repasá cuné como preparacion pa bautismo. Si ta asina, no ta necesario pa conducí un studio formal cuné den ningun otro publicacion, aunke e conductor tin cu sigui mustra un interes activo den su progreso.—Mira E Toren di Vigilancia di 15 di januari 1996, página 14, 17.