Caha di Pregunta

◼ Ken tin mag di haña karchi pa badge di congreso di distrito?

Karchi pa badge di congreso por ta masha útil pa identificá nos rumannan i pa anunciá e congreso. Sin embargo, no mester parti nan pa loco. Nan ta identificá esun cu tin e bistí como un persona cu ta den bon posicion spiritual den un cierto congregacion di Testigonan di Jehova.

E karchi tin lugá pa skirbi nomber dje persona i tambe e nomber dje congregacion. P’esei, e persona mester ta asociá na un grado razonabel cu e congregacion mencioná. Sociedad ta manda un cantidad di karchi pa cada congregacion. Ta na su lugá pa duna un karchi na cada publicadó bautisá i no-bautisá. Tambe, mucha i otro personanan cu ta asistí regularmente na reunionnan di congregacion i cu ta haciendo progreso den direccion di participá den e ministerio di veld por haña un karchi. Lo no ta apropiado pa duna un karchi pa badge di congreso na un persona expulsá.

Ora e ancianonan ricibí e karchinan, nan tin cu percurá pa parti nan na armonia cu e instruccionnan aki.