Hermentnan Cu Ta Educá, Motivá i Fortalecé
1 Nan ta hermentnan poderoso pa educá hende tocante Bijbel i Testigonan di Jehova. Nan a motivá hopi hende pa tuma un posicion firme na fabor dje berdad. Nan a fortalecé e fe i aprecio di Dios su pueblo dedicá. Kico nan ta? E videonan producí dor di Jehova su organisacion. Bo a wak tur dies? Cuantu tempu pasá? Bo ta usa nan den bo ministerio? Na congreso a anunciá publicacion dje di 11 video, Henter Nos Asociacion di Ruman. Bo a bestèl e? Con bo por beneficiá mas ainda dje hermentnan maraviyoso aki?
2 E artículo “Studia e Palabra di Dios Regularmente Como Famia,” den E Toren di Vigilancia di 1 di juli 1999, a recomendá pa “apartá parti di bo ora di studio pa wak pida dje videonan instructivo di Sociedad . . . i despues papia over di dje.” Conforme cu e bon conseho ei, cada luna pasa nos lo trata un otro video den e Reunion di Sirbishi. Nos ta animá tur hende den congregacion pa wak e video na cas promé cu e dia cu lo trat’é den Reunion di Sirbishi.
3 E luna aki nos ta cuminsá cu e promé video cu nos a producí, Testigonan di Jehova—E Organisacion Tras dje Nomber. Wak i scucha e video pa bo por contestá e preguntanan aki:
◼ Testigonan di Jehova ta mas conocí pa kico?
◼ Tur cos hací na Betel ta conectá cu cua texto bíblico?
◼ Cua esena bíblico bo a mira nan prepará, saca potret di dje i pinta pa usa den e publicacionnan?
◼ Kico den e manera cu nos literatura ta ser prepará ta impresioná bo?
◼ Di 1920 pa 1990, cuantu literatura Sociedad a imprimí?
◼ Ken foral den e pueblo di Dios mester haci esfuerso pa cualificá pa sirbishi di Betel?—Pro. 20:29.
◼ Den ki maneranan e famia di Betel ta pone un excelente ehempel pa tur Testigo di Jehova?
◼ Kico ta impresioná bo dje trabou cu ta ser hací na Betel pa alcansá mas tantu hende posibel cu e bon nobo?
◼ Con e obra mundial ta ser financiá?
◼ Ki actividad nos por apoyá celosamente, i cu ki spiritu?—Juan 4:35; Echo. 1:8.
◼ Con bo ta sinti pa cu e organisacion tras di nos nomber?
◼ Con bo por usa e video aki den e ministerio?
Na December nos lo repasá e video Bijbel—Historia Exacto, Profecia Confiabel.