Edificá Aprecio pa Bijbel—Humanidad Su Buki Moderno Mas Antiguo

E siguiente preguntanan ta resaltá puntonan cu kisas bo a ripará ora bo a wak e video aki: (1) Ki echonan ta distinguí Bijbel como un buki sin igual? (2) Duna un ehempel dje manera cu Bijbel, pa antiguo cu e ta, ta na armonia cu ciencia moderno. (3) Con nos por ta sigur cu e Bijbel djawe no a cambia for dje skirbimentunan original? (4) Kico ta un rasgo sobresaliente dje texto di manuscritonan antiguo di Bijbel, i ki confiansa esaki ta duna bo? (5) Den ki maneranan John Wycliffe, Johannes Gutenberg, William Tyndale, Mary Jones i Charles Taze Russell, a contribuí na plama e Palabra di Dios rond mundu? (6) Con iglesia a oponé Bijbel ferosmente, pero kico a haci posibel cu Bijbel a sobrebibí te den nos tempu? (7) Te na ki grado e organisacion di Jehova a traducí i producí Bijbel? (8) Den ki manera Bijbel su conseho práctico a yuda hende trata cu problemanan di adiccion na wega di placa (1 Tim. 6:9, 10), separacion i infieldad matrimonial (1 Cor. 13:4, 5; Efe. 5:28-33) i preocupacion cu rikesa material (Mat. 16:26)? (9) Ki evidencia tin cu dor di aplicá principionan bíblico hende por vence odio nacional, étnico i racial na mundu? (10) Den ki maneranan e echo cu bo a siña loke Bijbel ta contené, a duna bo mayor felicidad? (11) Ken bo ta kere lo beneficiá dje video aki, i con lo bo present’é na nan?