Programa Nobo di Asamblea di Circuito

Un definicion di temor ta ‘respet i admiracion profundo, specialmente pa Dios.’ Esaki ta describí e temor saludabel cu e Scritura ta referí na dje como “e principio di sabiduria.” (Sal. 111:10) Na contraste, tin un otro clase di temor ta dominá e mundu di Satanas rond di nos. Con nos por evitá e miedu ei, e temor insaludabel, i na mésun tempu desaroyá un temor respetuoso pa Jehova? E programa nobo di asamblea di circuito pa aña di sirbishi 2002 lo trata e pregunta aki. E tema ta “Teme Dios i Dun’é Gloria.” (Rev. 14:7) Nos lo comprendé e hopi maneranan cu temor di Jehova ta beneficiá nos individualmente i como organisacion.

Aunke temor por implicá ansiedad of perdementu di curashi i un mala gana pa enfrentá situacionnan difícil, Bijbel ta declará: “Felis ta tur cu ta teme Jehova.” (Sal. 128:1) E programa di asamblea lo mustra nos con nos por enfrentá e desafionan di adoracion berdadero cu éxito. Nos lo mira con por yuda esnan nobo cultivá e temor saludabel pa Dios, locual en realidad lo motivá nan pa sirbié cu henter nan curason, alma, mente i forsa. (Mar. 12:30) E promé dia ta concluí cu e discurso dje superintendente di distrito “Hala Mas Cerca di Esnan Cu Bo Stima.” Lo e splica con nos por keda alerto pa Diabel su intento pa apartá nos for di Jehova, for di nos famia i for di nos rumannan cristian.

“Teme Jehova, No Hende” ta e tema di un simposio di cuater parti riba e di dos dia. E simposio lo splica pakico i con nos tin cu vence tur miedu cu ta stroba nos di efectuá nos ministerio plenamente of di mantené integridad i un bon concenshi na scol i na trabou. E discurso público “Teme Dios i Warda Su Mandamentunan” ta basá riba e seri di acontecimentu describí den Revelacion capítulo 14. E asamblea di circuito lo terminá cu e instruccion positivo “Sigui Cana den e Temor di Jehova.”

E Scol di Ministerio Teocrático, Reunion di Sirbishi modelo, discurso di bautismo i resúmen di Studio di Toren di Vigilancia ta otro puntonan sobresaliente dje programa cu lo bo no kier perde. Invitá bo studiantenan di Bijbel pa asistí huntu cu bo. Ken cu ta deseá di ser bautisá tin cu bisa e superintendente presidente mas pronto posibel. Nos tur lo kier demostrá nos temor saludabel pa Jehova i dun’é gloria dor di no perde niun parti dje programa sobresaliente aki!