Programa Nobo di Asamblea di Circuito

“Warda Dios Su Mandamentunan i Biba” ta e tema dje programa di asamblea di circuito di dos dia cuminsando na september. (Pro. 4:4) Lo e enfatisá pakico obedecé e mandamentunan di Dios no ta un carga pisá. Ademas, e programa lo mustra con dor di haci Dios su boluntad nos ta haña refrescamentu i berdadero felicidad i tambe speransa pa futuro.—Mat. 11:28-30; Juan 13:17.

Esnan cu obedeciendo Cristo su mandamentu ta deseá di bautisá n’e asamblea, mester papia cu e superintendente presidente, i e lo haci e areglonan necesario.—Mat. 28:19, 20.

Un simposio lo splica maneranan práctico den cua nos por mustra amor pa Dios i pa nos rumannan. (Juan 13:34, 35; 1 Juan 5:3) E programa lo contené conseho conmovedor for di Salmo 19 i 119. Aunke e spiertamentu inspirá den e salmonan aki tabata skirbí miles di aña pasá, nos lo mira con e ta beneficiá nos personalmente awe.

E discurso público na encargo dje superintendente di distrito ta titulá “Teme Dios i Warda Su Mandamentunan.” (Ecl. 12:13) E último discurso dje superintendente di circuito lo mustra con hóbennan por saca lo mihó for di bida awor i pakico nan por tin confiansa cu lo bai tin un futuro eterno. E superintendente di distrito lo concluí e programa mencionando e hopi beneficionan cu nos ta ricibí dor di biba segun e “ley real” di amor. (Sant. 2:8) Sí, esaki ta un programa di asamblea cu niun hende lo kier perde!