Programa Nobo di Asamblea di Circuito
1 E programa nobo di asamblea di circuito di september padilanti lo desaroyá e tema “Experenciá e Mayor Felicidad den Duna.” (Echo. 20:35) Felicidad ta ser describí como “un estado di bienestar i contentamentu.” Mayoria hende awe ta gara cualkier placer cu nan por den bida, i ora nan haci esei, hopi bes e ta temporal. Esei no ta berdadero felicidad. Sin embargo, Jehova ta siña nos con pa beneficiá nos mes pa semper. (Isa. 48:17; 1 Juan 2:17) E programa nobo di asamblea di circuito lo enfatisá con nos por gana mayor felicidad dor di duna den un manera spiritual.
2 Nos lo siña maneranan práctico cu nos por duna di nos mes den e ministerio. Algun dje discursonan cu superintendentenan biahero tin cu duna ta titulá: “Haña Amigu Mediante Rikesanan Inhustu,” “Respetá e Percuracion Divino di ‘Donnan den Hende,’ ” i “Experenciá e Hopi Facetanan di Berdadero Felicidad.” Esnan cu ta deseá di bautisá n’e asamblea lo kier papia cu e superintendente presidente di manera cu e por haci areglo pa ancianonan repasá e preguntanan di bautismo cu nan. Sirbiendo Jehova den un relacion limpi lo trece mayor felicidad pa esnan recien bautisá.
3 Duna reconocimentu corecto n’e autoridad di Jehova tambe ta trece berdadero felicidad i siguridad. Tur hende tin cu sa esaki. P’esei, e discurso público n’e asamblea di circuito lo desaroyá e tema “Uni cu Dios Su Pueblo Felis.” Haci sigur di invitá tur esnan cu a mustra un interes den e berdad pa bin scucha e discurso aki. Nan no a haña berdadero siguridad i felicidad duradero bou di gobernacion humano den e mundu aki, cu ta drumí den e poder di Satanas. (Ecl. 8:9) Pero ki goso nan lo haña den asociá cu Jehova su pueblo felis!—Sal. 144:15b.
4 Apesar di condicionnan cu ta empeorá den e sistema di cosnan aki, esnan cu ta experenciá e mayor felicidad den duna spiritualmente nunca lo ser desapuntá dor dje Dios felis. (1 Tim. 1:11) E programa nobo di asamblea di circuito lo demostrá cu esaki ta cierto. No perd’é!