Uní pa Medio di Siñansa Divino —Un Bista di Berdadero Unidad Fraternal

Un superintendente di circuito a asistí na un studio di Bijbel cu un ruman tabatin cu un señora cu ainda no a cuminsá asistí na reunionnan di congregacion. El a invitá e señora pa wak e video Uní pa Medio di Siñansa Divino. E siman ei e señora a asistí na un reunion i a bisa cu e tabata hopi contentu di por t’ei. Di con e video aki a producí resultado asina rápido? Nos precioso unidad fraternal den accion meimei di un mundu violento i yen di odio cu e señora a wak riba e video, a impresion’é.—Juan 13:35.

Wak e video aki pa bo mira i sinti e pas i amor cu Testigonan di Jehova rond mundu ta disfrutá di dje. Caba meditá riba e preguntanan aki:

(1) Di con “Siñansa Divino” tabata un tema apropiado p’e congresonan di 1993-94?—Mik. 4:2.

(2) Kico e berdad di Bijbel a nificá pa algun famia? Kico el a nificá pa bo famia?

(3) Di con ta importante pa nos ser siñá dor di Jehova?—Sal. 143:10.

(4) Ki clase di desafionan e rumannan tin cu superá pa prepará pa congresonan internacional grandi?

(5) Con abo a mira cumplimentu di Salmo 133:1 i Mateo 5:3 na e congresonan cristian cu bo a yega di bai?

(6) Ki evidencia público tin dje efecto poderoso di siñansa divino?—Rev. 7:9.

(7) Cua tabata e bautismo masal mas grandi di cristiannan berdadero?

(8) Cua palabranan di Mikéas, Pedro i Jesus ta cumpliendo entre Testigonan di Jehova?

(9) Kico ta convencé abo cu un famia humano felis i uní no ta djis un soño?

(10) Ken bo ta bai mustra e video aki, i di con?

Despues di a wak e video aki, un ruman muher a duna un bon resúmen di dje bisando: ‘E video lo yudá mi cada bes mas pa mi tene na mente cu n’e momentonan aki mes masha hopi ruman cristian rond mundu ta sirbiendo Jehova lealmente. Esta precioso nos unidad fraternal ta!’—Efe. 4:3.