Kiko Nos Por Bisa dje Revistanan

E Toren di Vigilansia 1 di Yüni

“Susesonan di último tempu ta pone hopi hende puntra nan mes pakiko víktimanan inosente ta muri un morto prematuro. Bo a yega di pensa riba pakiko hende ta muri? [Pèrmití e persona kontestá, i despues bai na e kuadro ku tin na página 7.] Lo bo tin gana di sa loke Beibel tin di bisa tokante e mitonan komun aki?” Si ta posibel, lesa un di e tekstonan menshoná.

Spièrta! 8 di Yüni

“Hopi hende ta haña ku religion i siensia ta kontradesí otro. Tin ta asta sinti ku ta imposibel pa un persona ku ta bai tras di siensia kere den Dios. Kiko abo ta opiná di esaki? [Pèrmití e persona kontestá.] E Spièrta! aki ta trata e tópiko ei den un manera masha instruktivo.”

E Toren di Vigilansia 15 di Yüni

“Bo ta kere ku un dia e tipo di problemanan aki lo kaba? [Lesa e sita di introdukshon di e promé artíkulo, i pèrmití e persona kontestá.] Dios su Palabra inspirá ta sigurá nos ku e problemanan ei lo terminá pronto. [Lesa Salmo 72:12-14.] E edishon aki di E Toren di Vigilansia ta splika kon esaki lo tuma lugá.”

¡Despertad! 22 di Yüni

“Bo ta kere ku un dia tur hende riba tera lo por ta liber? [Pèrmití e persona kontestá.] Tuma nota di e bunita promesa aki di Dios. [Lesa Romanonan 8:21.] Pa e promesa ei bira un realidat, mester bini un fin na tur tipo di sklabitut, no ta asina? E edishon aki di Spièrta! ta mustra kon esei lo tuma lugá.”