Kiko Nos Por Bisa di e Revistanan

E Toren di Vigilansia 1 di Feb.

“Awendia hopi hende ta preokupá tokante desempleo, i otronan ta bou di tremendo preshon na trabou. Bo ta kere ku ta posibel pa un hende sintié felis i sigur di su trabou? [Permití e persona kontestá. Kaba lesa Isaías 65:​21-⁠23.] E edishon aki di E Toren di Vigilansia ta papia di un tempu den kua tur hende lo tin trabou ku ta duna nan satisfakshon.”

Spièrta! 8 di Feb.

“E edishon aki di Spièrta! ta papia di un realidat tristu di nos tempu, prostitushon di mucha. Beibel ta primintí ku pronto e forma deplorabel aki di abuso di mucha lo kaba. [Lesa Proverbionan 2:​21, 22.] E revista aki ta mustra tantu kiko tin tras di tal eksplotashon di mucha komo tambe kon lo pone un fin na dje.”

E Toren di Vigilansia 15 di Feb.

“Algun hende ta puntra nan mes si Dios ta un persona. Otronan ta bisa ku e ta eksistí pero ta pensa ku e ta muchu leu di nan. Bo a ripará esei? [Permití e persona kontestá.] Tuma nota dikon ta asina importante pa siña konosé Dios personalmente. [Lesa Huan 17:⁠3.] Relashoná ku esaki, lo bo haña e promé dos artíkulonan den e edishon aki interesante.”

¡Despertad! 22 di Feb.

“Bo ta kere ku Dios su propósito tabata pa hende, inkluso mucha, sufri di mal nutrishon? [Permití e persona kontestá.] Tuma nota di e promesa alentador aki ku tin den Beibel. [Lesa Salmo 72:⁠16.] E edishon aki di ¡Despertad! ta trata e kousa di mal nutrishon i, mas importante ainda, Dios su promesa di kaba kuné pronto.”