Kiko Nos por Bisa di e Revistanan

E Toren di Vigilansia 1 di Feb.

“Mayoria di nos ta purba kuida nos salú físiko. Sin embargo, estudionan resien ta indiká ku aparentemente nos spiritualidat tambe ta influensiá nos bienestar. Bo ta kere ku esei ta posibel? [Permití e persona kontestá. Anto lesa Mateo 5:3 for di e revista na página 4.] E Toren di Vigilansia aki ta konsiderá kon nos por satisfasé nos nesesidat spiritual.”

Spièrta! 8 di Feb.

“Asina’kí ta skirbi e nòmber di Dios na e idioma hebreo. [Mustra e persona e kaft.] Tin hende ta konvensí ku nos no mester menshoná e nòmber aki nunka na bos haltu. Otronan ta us’é libremente. E Spièrta! aki ta analisá e kontroversia aki. Tambe e ta konsiderá kon nos por siña konosé Dios na su nòmber.” Lesa Salmo 83:18 for di e revista na página 11.

E Toren di Vigilansia 15 di Feb.

“E kosnan malu ku ta wòrdu hasí den nòmber di religion ta molestiá hopi hende. Tin hende ta pensa ku religion ta e kousa di e problemanan di humanidat. Bo a yega di puntra bo mes si ta asina? [Permití e persona kontestá. Anto lesa Revelashon 18:24.] E revista aki ta analisá loke Beibel ta bisa di e tópiko aki.”

¡Despertad! 22 di Feb.

“Hopi hende ta gusta siña tokante bestia, i tin algun hende gusta tin bestia di kas. [Permití e persona duna su komentario.] E revista aki ta konsiderá algun difikultat ku kriamentu di bestia di kas ta trese kuné. Tambe e ta splika ku Dios a primintí ku lo bin un tempu ku tur bestia lo ta na pas ku otro i ku hende.” Lesa Isaias 11:6-9.