Kiko Nos Por Bisa di e Revistanan

E Toren di Vigilansia 1 di Feb.

“Bo ta kere ku nos komunidat lo tabata mihó si tur hende tabata kumpli ku e palabranan aki? [Lesa Efesionan 4:25. Kaba permití e persona kontestá.] Hopi hende ta pensa ku gañamentu ta aseptabel den sierto situashonnan. E revista aki ta splika kiko ta e benefisionan di semper papia bèrdat.”

¡Despertad! Feb.

“Ta parse ku hende su aktitut relashoná ku religion ta kambiando den algun komunidat. Bo ta kere ku iglesianan ta pèrdiendo nan influensia? [Permití e persona kontestá.] E palabranan aki di apòstel Pablo ta duna un motibu pakiko algun hende a pèrdè konfiansa den religion. [Lesa Echonan 20:29 i 30.] E revista aki ta mustra loke Beibel ta bisa tokante e futuro di kristianismo.”

E Toren di Vigilansia 15 di Feb.

“Segun algun persona, hende ta ruinando e tera. Abo sa preokupá tokante e asuntu ei? [Permití e persona kontestá.] Tuma nota di e promesa alentador aki. [Lesa Revelashon 11:18.] E revista aki ta duna informashon riba loke ta hasi e planeta aki úniko. Ademas, e ta mustra loke Beibel ta bisa tokante futuro di e tera.”

¡Despertad! Feb.

“Bo ta kere ku esaki ta un motibu pakiko tin asina tantu problema riba mundu? [Lesa 1 Juan 5:19. Kaba permití e persona kontestá.] E artíkulo aki ta mustra kiko Beibel ta bisa tokante e identidat di ‘e malbado,’ i kon nos por evitá su influensia poderoso.” Hala atenshon na e artíkulo ku ta kuminsá na página 12.