Bo Mester Wak e Vidio Sin Sanger—Medisina Ta Aseptá e Reto

Kiko bo sa di e opshonnan ku tin disponibel riba tereno di tratamentu médiko sin sanger? Bo ta komprondé kiko ta algun di e alternativanan ku tin pa transfushon i kon nan ta funshoná? Wak e vidio aki, i evaluá bo konosementu ku e siguiente preguntanan.—Nota: Komo ku e vidio tin algun esena kòrtiku di operashon, mayornan mester tene kuidou ora nan ta wak e ku mucha chikí.

(1) Kua ta e motibu prinsipal pakiko Testigunan di Yehova ta nenga transfushon di sanger i unda e prinsipio aki ta pará den Beibel? (2) Ora ta trata di kuido médiko, kiko nos ta deseá? (3) Ki derecho básiko un pashènt tin? (4) Pakiko ta lógiko i responsabel pa nenga transfushon di sanger? (5) Ora un hende pèrdè hopi sanger, kua dos prioridat urgente dòkternan tin? (6) Ki rísikonan pa salú un transfushon di sanger ta trese kuné? (7) Kua ta algun método ku siruhanonan tin na nan disposishon pa minimisá pèrdida di sanger durante operashon? (8) Relashoná ku kualkier alternativa pa transfushon, kiko lo bo kier ta informá di dje? (9) Por hasi operashon serio i kompliká sin rekurí na transfushon di sanger? (10) Kiko mas i mas dòkter ta dispuesto pa hasi pa Testigunan di Yehova, i ku tempu kiko lo por bira e norma pa kuido di tur pashènt?

Sin duda lo ta bon pa wak e vidio Sin Sanger huntu ku ken ku hasi pregunta tokante nos posishon pa ku sanger, por ehèmpel, studiante di Beibel, kasá òf famia ku no ta Testigu, kolega, maestro di skol i kompañeronan di skol. Ta kada persona individualmente tin ku disidí segun su konsenshi si e ta aseptá kualkier un di e tratamentunan presentá den e vidio.—Wak “Pregunta di Lektor” den E Toren di Vigilansia di 15 di yüni i di 15 di òktober 2000.