Rekordatorionan pa Memorial
E selebrashon di Memorial ta kai e aña aki riba djarason, 16 di aprel. Ansianonan mester presta atenshon n’e siguiente puntonan:
◼ Na momentu di fiha e ora pa e reunion, hasi sigur ku lo no pasa e emblemanan promé ku solo baha.
◼ Mester informá tur hende, inkluso e oradó, di e ora i lugá eksakto di e selebrashon.
◼ Mester buska i prepará e tipo korekto di pan i biña.—Wak e Atalaya di 15 di febrüari 1985, página 19.
◼ Di antemano mester hiba un mesa apropiá ku paña di mesa, tayó i glas na Salòn, i pone nan na nan lugá.
◼ For di trempan mester limpia e Salòn di Reino òf e otro lugá di reunion, a fondo.
◼ Di antemano mester skohe ùsher i esnan ku ta pasa ku e emblemanan i instruí nan tokante e prosedura korekto i nan tareanan, i ku ta nesesario pa nan ta bistí i peñá na un manera digno di e okashon.
◼ Mester hasi areglo pa sirbi e emblemanan na kualkier ungí ku ta enfermo i ku no por ta presente.
◼ Ora mas ku un kongregashon ta plania pa usa e mesun Salòn di Reino, mester tin bon kordinashon entre e kongregashonnan pa asina evitá kongestionamentu innesesario den lòbi, na e entrada, riba asera públiko i na e lugá di stashoná outo. Kaminda esei ta posibel, ta bon pa programá un lapso di 45 minüt entre e dos reunionnan.