Kiko Nos Por Bisa di e Revistanan

E Toren di Vigilansia 1 di Apr.

“Aki bo ta mira e sena tradishonal ku yama e Último Sena. [Mustra parti dilanti i patras di e revista.] Bo tabata sa ku esaki ta e úniko evento ku kristiannan ta ser mandá pa konmemorá? [Permití e persona kontestá. Kaba lesa Lukas 22:19.] E revista aki ta splika dikon e konmemorashon aki ta asina importante i kon e ta afektá abo.”

Spièrta! 8 di Apr.

“No ta tristu ku droga a ruiná bida di hopi mucha yòn? [Permití e persona kontestá.] Hopi bes e problema ta kuminsá ora hóbennan ta asosiá ku mal amigu. [Lesa 1 Korintionan 15:33.] E edishon aki di Spièrta! ta eksaminá kiko ta influensiá mucha yòn pa kuminsá usa droga i kiko mayornan por hasi pa protehá nan.”

E Toren di Vigilansia 15 di Apr.

“Den e último añanan hopi hende a ripará ku dia pa dia balornan spiritual ta ser konsiderá komo ménos importante. Bo a ripará esei? [Permití e persona kontestá. Kaba lesa Salmo 119:105.] Balornan spiritual por yuda hende evitá hopi trampa den bida. E revista aki ta mustra unda hende por haña berdadero balornan spiritual.”

¡Despertad! 22 di Apr.

“Den e mundu djawe ku ta move na paso rápido, hopi hende ta puntra nan mes si muchanan ta kresiendo muchu lihé. Esaki ta preokupá bo? [Permití e persona kontestá. Kaba lesa Eklesiástes 3:1, 4.] Infansia no mester ta un tempu pa karga karganan di adulto. E edishon aki di Spièrta! ta trata kon mayornan por protehá e infansia di nan yunan.”