Kaha di Pregunta

◼ Nos mester splika e areglo di donashon ora di duna testimonio na telefon?

Ora nos ta duna testimonio en persona, nos por splika ku e obra mundial di edukashon bíbliko di Testigunan di Yehova ta ser sostené kompletamente dor di donashon boluntario i ku gustosamente nos ta aseptá tal donashon. Pero ora di duna testimonio na telefon sí nos no ta menshoná e asuntu di donashon ya ku hende por malinterpretá esaki komo un forma di pidimentu di fondo via telefon. E obra di Testigunan di Yehova den ningun sentido tin finnan komersial.—2 Kor. 2:17.

◼ Ora di duna testimonio na telefon, kiko nos mester hasi si un persona pidi pa Testigunan di Yehova no yam’é mas?

Mester respetá e deseonan di e persona. Pega un nota ku e fecha i nòmber di e persona ku a pidi esei na e karchi di teritorio, p’e publikadónan no yama e number ei den futuro. Un bia pa aña mester repasá e lista di personanan ku a pidi pa nos no yama nan. Bou di guia di e superintendente di sirbishi, por asigná publikadónan eksperensiá i ku tin takto pa nan tuma kontakto ku e hendenan aki pa determiná si ainda nan no kier risibí yamada di Testigunan di Yehova.—Wak e Kaha di Pregunta di Nos Ministerio di Reino di yanüari 1994 (na spañó, yüni 1994).