Kiko Nos Por Bisa di e Revistanan

E Toren di Vigilansia 1 di Oug.

“Bo tabata sa ku segun un informe, mas ku mitar di e poblashon di mundu ta biba di ménos ku dos dòler pa dia? Bo ta kere ku por hasi algu pa remediá esaki? [Permití e persona kontestá.] E edishon aki di E Toren di Vigilansia ta señalá kiko ta e solushon permanente pa pobresa ku Beibel ta menshoná.” Lesa Salmo 72:12, 13, 16.

¡Despertad! 8 di Oug.

“Último añanan, desasternan kousá pa mal tempu a okashoná destrukshon rònt mundu. Kiko bo ta pensa hende lo por hasi pa aliviá e sufrimentu ku esakinan ta trese kuné? [Permití e persona kontestá.] E revista aki ta analisá e problema di kambio den klima mundial i tambe e solushon ku Beibel ta presentá.” Lesa Isaias 35:1.

E Toren di Vigilansia 15 di Oug.

“Mayoria hende ta duna balor na un bon reputashon. Tin hende ta asta puntra nan mes kon nan lo ser rekordá despues ku nan muri. Abo a yega di pensa riba esei? [Permití e persona kontestá. Anto lesa Eklesiastés 7:1.] E Toren di Vigilansia ta trata kon nos por haña un bon nòmber serka hende i serka Dios.”

¡Despertad! 22 di Oug.

“Si abo òf un miembro di bo famia a yega di konfrontá hende ku ta tèr bo òf abusá di bo, bo sa ku esei por kousa hopi doló i sufrimentu. [Permití e persona reakshoná.] E edishon aki di Spièrta! ta duna sugerensianan práktiko pa víktimanan di esei. Tambe e ta papia di Dios su promesa ku lo bini un tempu ku bida lo ta kompletamente liber di tal problema.” Lesa Mikeas 4:4.