Kiko Nos Por Bisa di e Revistanan

E Toren di Vigilansia 1 di Oug.

“Hopi hende awe ta lucha ku e sintimentu ku nan no ta bal nada. Kiko bo ta pensa ku por hasi pa yuda nan? [Permití e persona kontestá.] E revista aki ta mustra kon Beibel por yuda e hendenan ei haña berdadero goso.” Mustra e persona e tekstonan di Beibel ku ta skirbí ku lèter diki i skùin den e artíkulo “Beibel Por Yuda Bo Haña Goso.”

¡Despertad! 8 di Oug.

“Hopi hende ta biba konstantemente den miedu. Segun bo, kiko ta responsabel pa e ambiente di e miedu aki? [Permití e persona kontestá.] E revista aki ta duna sugerensianan práktiko kon pa nos protehá nos mes di peligernan komun. Tambe e ta konsiderá Beibel su promesa di un mundu sin miedu.” Lesa Isaias 11:9.

E Toren di Vigilansia 15 di Oug.

“Despues di un morto trágiko, hopi hende ta puntra nan mes kiko ta pasa ora un hende muri. Bo ta kere ta posibel pa hende komprondé kiko morto ta? [Permití e persona kontestá.] E revista aki ta splika loke Beibel ta bisa tokante e kondishon di e mortonan. Tambe e ta trata Dios su promesa di resusitá nos sernan kerí ku a muri.” Lesa Juan 5:28 i 29.

¡Despertad! 22 di Oug.

“Bo tabata sa ku hende a yama turismo e doño di trabou mas grandi na mundu? [Permití e persona kontestá.] E kresementu di turismo a trese tantu benefisio komo problema. E revista aki ta analisá e bentaha- i desbentahanan di e industria moderno di turismo. Tambe e ta duna algun tep práktiko pa hende ku ta hasi biahenan internashonal.”