Perkurashon pa Yuda Nos Apstené di Sanger

Publikadónan batisá ku anteriormente a yena un karchi di Instrukshon/Eksonerashon Médiko Delantá òf Karchi di Identifikashon ku no tin un fecha di imprenta òf ku tin e fecha di imprenta 3/99, lo no tin ku yena un karchi nobo e aña aki. Pa e Reunion di Sirbishi pa e siman di 29 di desèmber, e sekretario mester tin sufisiente karchi pa publikadónan ku a kaba di batisá, nan yunan i esnan ku mester remplasá nan karchi. Lo no manda kargamentu di e karchinan aki pa e kongregashonnan. Si e kongregashon no tin sufisiente karchi, e sekretario por chèk serka kongregashonnan den bisindario òf e por hasi petishon pa mas karchi den e siguiente pedido di literatura di e kongregashon.

Mester yena e karchinan aki kuidadosamente na kas, pero NO firma nan. Na e siguiente Studio di Buki di Kongregashon lo firma i fecha e karchinan dilanti testigu, ku yudansa di e superintendente di studio di buki si ta nesesario. Esnan ku ta firma komo testigu mester realmente mira e portadó di e karchi firma esaki.

Publikadónan ku no ta batisá por skirbi instrukshon médiko pa nan mes i nan yunan dor di usa e palabranan di e karchi di Instrukshon/Eksonerashon Médiko Delantá i e Karchi di Identifikashon, i adaptá nan na nan sirkunstansia.