Rekordatorionan pa Memorial

E aña aki e selebrashon di Memorial ta kai riba djadumingu, 4 di aprel. Ansianonan mester presta atenshon n’e siguiente puntonan:

◼ Na momentu di fiha e ora pa e reunion, hasi sigur ku lo no pasa e emblemanan promé ku solo baha.

◼ Mester informá tur hende, inkluso e oradó, di e ora i lugá eksakto di e selebrashon.

◼ Mester buska i prepará e tipo korekto di pan i biña.—Wak E Toren di Vigilansia di 15 di febrüari 2003, página 14-15.

◼ Di antemano mester hiba un mesa apropiá ku paña di mesa, tayó i glas na Salòn, i pone nan na nan lugá.

◼ For di trempan mester limpia e Salòn di Reino òf e otro lugá di reunion, a fondo.

◼ Di antemano mester skohe ùsher i esnan ku ta pasa ku e emblemanan i instruí nan tokante e prosedura korekto i nan tareanan, i ku ta nesesario pa nan ta bistí i peñá na un manera digno di e okashon.

◼ Mester hasi areglo pa sirbi e emblemanan na kualke persona ungí ku ta enfermo i ku no por ta presente.

◼ Ora mas ku un kongregashon ta plania pa usa e mesun Salòn di Reino, mester tin bon kordinashon entre e kongregashonnan pa asina evitá kongestionamentu innesesario den lòbi, na e entrada, riba asera públiko i na e lugá di stashoná outo.