Un Medio pa Yuda Nan

Kristiannan berdadero ta partisipá den e sirbishi públiko di plama e bon nobo. (Fil. 2:17) Pa logra esei, tin algun foyeto, tratado i artíkulo básiko na 20 idioma riba Internet na www.watchtower.org. E website aki no a ser prepará pa distribuí publikashonnan resien pa Testigunan di Yehova. El a ser diseñá pa duna e públiko informashon eksakto di loke Testigunan di Yehova ta siña for di Beibel.

Resientemente algu signifikante a ser agregá na nos website ofisial. Esaki ta e foyeto Kico Dios Ta Rekerí di Nos? na mas ku 220 idioma. Ademas, kuminsando ku e edishonnan di E Toren di Vigilansia di 1 di yanüari 2004 i Spièrta! di 8 di yanüari 2004, na tur idioma ta menshoná e adrès di e website aki riba e último página.

Kon bo por usa e instrumento aki? Wèl, kisas bo ta topa un persona ku ta mustra interes pero e ta papia un otro idioma. Si e tin akseso na Internet, bo por señalá na e adrès di e website riba último página di E Toren di Vigilansia òf Spièrta! Di e manera ei podisé e por analisá e foyeto Rekerí den su idioma natal te ora bo bolbe ku literatura na su idioma. Òf lo bo por duna e informashon di e persona interesá aki na e kongregashon òf grupo ku ta perkurá pa hendenan ku ta papia su idioma.