Bon Nobo Riba Internet

Den nos era tecnológico, algun hende ta obtené informacion for di fuentenan electrónico, incluyendo Internet. P’esei Sociedad a pone algun informacion exacto tocante e creencia i actividadnan di Testigonan di Jehova riba Internet.

Nos ‘Web site’ riba Internet tin e adres http://www.watchtower.org. E ta contené un seleccion di tratado, foyeto i artículonan di Toren di Vigilancia i Spierta! na aleman, chines (simplificá), ingles, ruso i spañó, como tambe na otro idiomanan. E publicacionnan riba e ‘Web site’ aki ya caba ta obtenibel via e congregacionnan i ta ser usá den e ministerio. E propósito di nos ‘Web site’ no ta pa presentá publicacionnan nobo, sino pa haci informacion disponibel n’e público den forma electrónico. No tin necesidad pa personanan individual prepará páginanan di Internet tocante Testigonan di Jehova, nos actividadnan of nos creencianan. Nos ‘Web site’ oficial ta duna informacion exacto pa cualkier hende cu ta deseá esei.

Cu nos ‘Web site’ bo no por manda mensahenan electrónico (E-mail), pero sí e tin un lista di adresnan postal di sucursalnan rond mundu. Pues, hende por skirbi pa haña mas informacion of pa ricibí yudansa personal for di Testigonan den nan localidad. Sintí bo liber pa compartí e adres di Internet mencioná ariba cu cualkier hende cu kisas lo kier cuminsá siña e berdad di Bijbel dje forma aki.