Kico Lo Mi Bisa?

Ora nos topa hende den e ministerio cu ta mustra interes, nos kier bai bek pa duna nan mas testimonio. Pero kisas nos no ta sigur kico bisa pa cuminsá e siguiente combersacion. Lo bo por purba esaki: Plantia un pregunta interesante, i despues bai n’e buki Razonamiento pa mustra e contesta for di Bijbel. Lo ta útil pa por tin un lista di preguntanan for di cua bo por scoge esun cu bo ta haña lo cuadra mihó cu un cierto rebishita. E lista aki bou, compilá for dje buki Razonamiento, ta indicá e number di página unda por haña cada contesta:

◼ Hende mester bai shelu pa por tin un futuro berdaderamente felis? (73)

◼ Tin motibunan sólido pa kere den Dios? (118)

◼ Dios realmente ta interesá den loke ta sosodé cu hende? (119)

◼ Pakico tin asina tantu maldad? (194)

◼ Pakico ta importante pa conocé i usa Dios su nomber personal? (203)

◼ Pakico nos ta bira bieu i muri? (245)

◼ Kico e Reino di Dios lo logra? (302)

◼ Pakico tin asina tantu religion? (309)

◼ Con un hende por sa cua religion ta esun berdadero? (315)

◼ Cuantu poder Satanas tin den e mundu djawe? (358)

◼ Pakico Dios ta permití sufrimentu? (373)

◼ Ki propósito bida humano tin? (429)

Lo bo por pone un lista asina di pregunta den bo Bijbel of buki Razonamiento pa bo por hañ’é lihé. Ora bo tin algu specífico na mente pa bisa na e rebishitanan, lo bo sintí bo animá pa bai fielmente bek na tur persona cu a mustra interes.