Kongreso di Distrito Ta Stimulá Nos pa Kana ku Dios
E Kongreso di Distrito “Kana ku Dios” a resoná Yehova su instrukshon kla: “Esaki ta e kaminda, kana den dje”! (Isa. 30:21) Si nos apliká e instrukshonnan ku nos a risibí, esei lo yuda nos ‘mira bon kon nos ta kana.’ (Efe. 5:15) Anto meditando riba loke nos a siña lo yuda nos ‘sigui kana den e bèrdat.’—3 Juan 3.
Usa e siguiente preguntanan huntu ku bo notanan personal pa bo prepará i partisipá na e repaso di e programa di kongreso di e aña aki. Lo tene e repaso durante e Reunion di Sirbishi di e siman di 18 di òktober.
1. Kon bin Enok por a kana ku Dios ounke el a biba den un tempu turbulento? (Heb. 11:1, 5, 6; Hudas 14, 15; “Kana ku Dios den Tempu Turbulento”)
2. Den ki áreanan di bida nos lo por apliká e prinsipio di Lukas 16:10? (“Bo Ta ‘Fiel den Kos Chikitu’?”)
3. (a) Menshoná kuater lès práktiko ku tin den Oseas kapítulo 6 te ku 9 ku lo yuda nos kana ku Dios. (Ose. 6:6, 7; 7:14; 8:7) (b) Ki puntonan mas den Oseas kapítulo 10 te ku 14 por yuda nos kana ku Dios? (“E Profesia di Oseas Ta Yuda Nos Kana ku Dios”—Simposio)
4. Kiko ta algun kos práktiko ku esposo- i esposanan kristian por hasi pa mantené nan matrimonio fuerte? (Pro. 12:4; Efe. 5:29; “No Separá ‘Loke Dios A Uni’”)
5. Kon nos ta mustra rèspèt pa nos reunionnan sagrado? (Ekl. 5:1; Isa. 66:23; “Mustra Rèspèt pa Nos Reunionnan Sagrado”)
6. (a) Kua ta e tres aspektonan importante di nos trabou di prediká ku nos tin ku analisá pa hasi sigur ku nos partisipashon den dje ta signifikativo? (Isa. 52:7; Zak. 8:23, NW; Mar. 6:34) (b) Kua rasgonan di e publikashon Bon Nobo pa Hende di Tur Nashon bo ta haña spesialmente útil? (“Bon Nobo pa Hende di Tur Nashon”; “Dor di Yuda Esnan Ku Ta Papia un Otro Idioma”)
7. Kon nos por yuda publikadónan nobo haña konfiansa pa presentá e mensahe di Reino? (Hues. 7:17; “Dor di Yuda Multitutnan Djòin Nos den e Ministerio”)
8. Kon nos ta demostrá ku nos ta konvensí ku ‘e gran dia di Yehova ta serka’? (Sof. 1:14; “Kana pa Medio di Fe, No pa Medio di Bista”)
9. (a) Kon serio e asuntu di trompekamentu ta? (Mar. 9:42-48) (b) Kon nos mes por evitá di trompeká? (Sal. 119:165) (c) Kon nos por evitá di pone otro hende trompeká? (1 Kor. 10:24; “Evitá Kualke Kousa di Tropieso”)
10. Kon nos por keda balansá ora nos ta buska un kasá, ora nos ta duna atenshon na nos salú i ora nos ta atendé asuntunan di negoshi? (Sal. 26:4; Mat. 6:25; 1 Tim. 6:9; “Mantené Boso Huisio Kompletamente”)
11. (a) Kiko ta remarkabel di e okashonnan ku Hesus a disfrutá di hospitalidat di otro hende? (Luk. 10:42; 24:32) (b) Kon nos por satisfasé nos nesesidat pa rekreá na un manera ku ta refreská tantu nos mes komo otro hende? (1 Kor. 10:31-33; “Aktividatnan Sano Ku Ta Refreská”)
12. Segun Salmo 23, ki bendishonnan nos ta risibí komo karné di Yehova, i kiko ta nos responsabilidatnan? (1 Kor. 10:21; “Yehova Ta Nos Wardadó”)
13. Kon kristiannan ta sigui e konseho inspirá pa ‘kumpra e tempu oportuno’? (Efe. 5:16, NW; “Kumprando e Tempu Oportuno”)
14. (a) Kiko ‘e ora di huisio’ menshoná na Revelashon 14:7 ta enserá? (b) Kon nos por duna prueba ku nos ta realmente separá for di Babilonia e Grandi? (“‘Keda Vigilá’—E Ora di Huisio A Yega”) (c) Ki puntonan bo a gusta di e foyeto Keda Vigilá!?
15. Menshoná tres kualidat ku nos tin mester pa no “bandoná e kaminda korekto.” (2 Ped. 2:15; “Tene Kuidou pa Bo No ‘Bandoná e Kaminda Korekto’”)
16. Kon hóbennan por evitá “e berea di e malbadonan”? (Pro. 4:14; “Hóbennan—Kana den e Kaminda di Hustisia”)
17. (a) Den ki maneranan Pablo tabata un ekselente ehèmpel di perseveransia? (Echo. 14:19, 20; 16:25-33) (b) Dikon nos no tin nodi teme opositornan di adorashon berdadero? (Drama i e diskurso “Duna Testimonio Kabal Awe Apesar di Oposishon”)
18. Ki bendishonnan hende ku ta kana ku Dios ta risibí? (“Kana ku Dios Ta Trese Bendishon Awor i pa Semper”)
Laga nos ta determiná pa hasi kaso di e ‘palabra ku nos ta tende nos tras’ pa asina nos por sigui kana ku nos Tata selestial pa semper.—Isa. 30:21; Juan 3:36.