Usa Nos Literatura Bíbliko na un Manera Sabí
1 “For di aña 1965 mi ta lesando boso publikashonnan. Mi ta bai den Beibel ora mi ta lesa, i tur kos den boso literatura ta kuadra ku Beibel. Semper mi tabata ke sa loke ta realmente e bèrdat tokante Dios i Hesus, i mi por bisa onestamente ku mi ta hañando kontestanan verídiko mediante boso informashon i Beibel.” Esaki ta loke un hòmber a skirbi e sede mundial di Testigunan di Yehova. Den e mesun karta ei el a pidi un estudio di Beibel.
2 Meskos ku e hòmber gradisidu ei, miónes di hende rònt mundu ta apresiá e yudansanan pa studia Beibel ku “e esklabo fiel i prudente” ta perkurá. (Mat. 24:45) Tur aña, ta produsí un tremendo kantidat di literatura pa yuda hende di kurason onrado ‘yega na konosementu eksakto di e bèrdat.’ (1 Tim. 2:4) Kon nos por usa nos literatura bíbliko na un manera sabí?
3 Evitá di Malgastá Nan: Atraves di un periodo di tempu, nos lo por akumulá mas revista di loke nos realmente ta usa. Kiko nos por hasi pa evitá di malgastá nos publikashonnan balioso? Nos mester usa disernimentu ora di rekohé literatura pa usa den e ministerio. En bes di buska hopi ehemplar di un publikashon ku nos lo bai ofresé, nos lo por kue solamente un òf dos ehemplar i bolbe pa buska mas si nos laga eseinan. Asina nos ta evitá ku un stòk grandi di literatura ta akumulá den nos kas. Asina tambe si nos tin un kantidat grandi di revista ku nos no ta laga, lo ta apropiá pa nos baha nos kuota di revista.
4 Di Mas na Stòk: Si e kongregashon tin un stòk muchu grandi di sierto publikashonnan, e kordinadó di literatura lo por chèk ku otro kongregashonnan den e área pa wak si nan por usa e literatura èkstra. Publikadónan por ofresé publikashonnan mas bieu na miembronan di famia ku no ta kreyente, na studiantenan di Beibel i otro hende. Personanan resien asosiá ku e kongregashon kisas lo apresiá di por tin e publikashonnan mas bieu aki pa nan biblioteka teokrátiko personal.
5 Nos ke pa nos literatura logra e propósito pakiko a produsié, esta, di yuda hende sinsero siña mas tokante Yehova su propósito maravioso. Meskos ku Hesus no a laga kuminda ku a sobra bai pèrdí despues ku milagrosamente el a alimentá e multitutnan, asina nos meta mester ta pa hasi e mihó uso posibel di e literatura bíbliko ku ta ser perkurá. (Juan 6:11-13) E mensahe ku ta salba bida ku tin den nos publikashonnan no por toka kurason di hende ku ta stima hustisia si e keda den nos rèki òf den nos tas. Pues, nos mester ta rasonabel ora di rekohé literatura pa sirbishi i us’é na un manera sabí pa benefisiá otro hende.—Fil. 4:5, NW.
[Study Questions]
1, 2. Kiko hopi hende ta pensa di nos literatura, i ki pregunta esaki ta trese kuné?
3. Kon nos por evitá di malgastá literatura?
4. Kiko por hasi si un kongregashon tin un stòk muchu grandi di sierto publikashonnan?
5. Kon nos por demostrá apresio pa nos literatura?