Kiko Nos Por Bisa di e Revistanan

E Toren di Vigilansia 1 di Oug.

“Mi tin gana di sa bo opinion riba algu ku Hesus a bisa. [Lesa Mateo 5:3, for di e revista na página 4.] Bo ta kere ku pa logra felisidat bo mester ta un hende spiritual? [Permití e persona kontestá.] E revista aki ta mustra loke Beibel ta bisa tokante berdadero spiritualidat i kon nos por logr’é.”

¡Despertad! Oug.

“Unda bo ta kere mayornan por haña konseho ku realmente lo yuda nan? [Permití e persona kontestá.] Wak kiko Beibel ta bisa aki. [Lesa 2 Timoteo 3:16.] E revista aki ta mustra kon práktiko Beibel por ta pa yuda mayornan lanta yunan felis.”

E Toren di Vigilansia 15 di Oug.

“Mi tin gana di sa bo opinion riba e teksto di Beibel aki. [Lesa Hebreonan 3:4.] Abo tambe ta kere ku e universo tabatin un Diseñadó inteligente? [Permití e persona kontestá.] E revista aki ta analisá si kerementu den un Diseñadó asina ta kuadra ku loke siensia berdadero ta indiká.”

¡Despertad! Oug.

Ora bo topa un hóben lo bo por bis’é: “Hopi hóben di bo edat a yega di ser perhudiká debí na redu. Esei a pasa ku bo tambe? [Permití e hóben kontestá.] Beibel ta duna bon konseho ku por yuda nos si redu a yega di perhudiká nos. Ademas, e ta mustra kon nos mes por keda leu for di redu.” Mustr’é e artíkulo ku ta kuminsá na página 12, i lesa un di e tekstonan di Beibel ku tin den e artíkulo.