Karta di Sukursal

Kerido Publikadónan di Reino:

Nos ta kontentu di mira kon e trabou a progresá durante aña di sirbishi 2007 riba e islanan ABC ku ta e teritorio di nos sukursal. Na novèmber nos a alkansá un máksimo nobo di 100 pionero regular na Kòrsou. Dos bètelita a haña asignashon pa bai traha komo pionero spesial na Bonaire; i nan tin un efekto positivo riba e trabou di prediká.

Den e teritorio di nos sukursal nos a laga 48.767 ehemplar di e Notisia di Reino Num. 37, Fin di Religion Falsu Ta Serka! Sukursal di Merka ta informá di un ruman muhé inaktivo ku no por a drumi despues ku el a lesa e ehemplar ku el a risibí. E siguiente djadumingu, el a bai reunion i a pidi un estudio di Beibel. Ademas, e sukursal ta konta ku personanan interesá a usa e kupòn parti patras di e Notisia di Reino pa pidi un total di 2.286 ehemplar di e foyeto Keda Vigilá! i 1.087 estudio di Beibel.

E propósito di kampañanan manera esei ta pa yuda hende sinsero haña sa loke Beibel ta siña realmente. (Mat. 28:19, 20) Segun ku bo ta prediká, kòrda tuma nota di tur persona ku mustra interes i bai bèk ku e meta di kuminsá un estudio di Beibel. Nos ta masha kontentu ku nos por traha skouder ku skouder ku boso den e aktividat importante aki, i nos ta manda nos kaluroso amor kristian pa boso.

Boso rumannan,

Sukursal di Kòrsou