E Kampaña di Prediká di Mas Grandi Ku Mundu A Yega di Konosé!
Pa mas ku 100 aña kaba, Testigunan di Yehova ta plama e evangelio òf bon nobo na un manera organisá. (1 Kor. 9:23) Den e kampaña di prediká mas grandi na mundu aki, nos ta presentá e mensahe ei den sentenáres di idioma i den mas ku 230 pais. (Mat. 24:14) Pero dikon e trabou aki ta nesesario? Kon e ta ser lográ mundialmente?
E DVD Testigunan di Yehova—Organisá pa Kompartí e Bon Nobo ta kontestá e preguntanan ei ya ku e ta duna un bista djaserka di e vários fasetanan di nos aktividatnan internashonal. Segun ku bo ta wak e, konsiderá e preguntanan aki: (1) Kon nos aktividat ta ser organisá i dirigí? (2) Kon e departamentonan di Redakshon, Tradukshon, Arte, Oudio i Vidio ta kontribuí na plamamentu di e bon nobo? (3) Kiko ta e propósito di nos aktividatnan di imprenta i distribushon ekstenso? (Juan 17:3) (4) Kuantu literatura ta ser imprimí den un aña? (5) Kiko nos publikashonnan basá riba Beibel a logra? (Heb. 4:12) (6) Kiko ta ser hasi pa duna yudansa spiritual na hende ku tin problema ku bista i oido? (7) Kon nos trabou ta ser finansiá? (8) Kon nos ta benefisiá di e trabou di Servisio di Informashon di Hospital, di e Departamento di Sirbishi i di e Departamento di Kongreso? (9) Komo un Testigu di Yehova, den ki manera e DVD aki a oumentá bo apresio pa (a) e esfuerso ku Yehova su organisashon ta hasiendo pa prediká e bon nobo? (b) e mas ku 100 famianan di Bètel rònt mundu? (c) e entrenamentu perkurá pa superintendente- i misioneronan? (d) e importansia di kuminsá kada dia ku konsiderashon di un teksto di Beibel i pa prepará tur siman pa e reunionnan di kongregashon? (e) e benefisionan di asistí na nos reunionnan kristian? (f) loke e Paradeis riba tera lo nifiká? (Isa. 11:9) (g) partisipá personalmente den e trabou di kosecha ku ta tumando lugá?—Juan 4:35.
Ki reakshon positivo bo a haña ora bo a laga bo famia-, konosí-, rebishita- i studiantenan di Beibel wak e DVD aki? Pakiko no kompartí e DVD aki i e bon nobo ku un otro persona mas pronto posibel?—Mat. 28:19, 20.