Kaha di Pregunta

◼ Kua dos publikashon nos mester studia ku hende interesá?

E buki Beibel Ta Siña ta e hèrmènt prinsipal ku nos ta usa pa kuminsá i kondusí estudio di Beibel. No ta nada malu si nos kuminsá un estudio di Beibel den un otro publikashon, manera por ehèmpel den un tratado, pero nos mester hasi esfuerso pa switch pa e buki Beibel Ta Siña mas pronto posibel. Tin publikadó a logra masha bon resultado ora nan a usa e buki Beibel Ta Siña pa kuminsá un estudio.

Unabes ku e studiante a kaba di studia e buki Beibel Ta Siña i ta hasiendo progreso, mester studia e buki Adorá Dios kuné. (Kol. 2:7) Na página 2 di e buki tin un splikashon enkuanto e propósito di e buki: “Beibel ta urgi tur hende ku stima Dios pa ‘komprendé e haltura i profundidat’ di Dios su bèrdatnan presioso. (Efesionan 3:18) A prepará e buki aki ku esei na mente. Nos ta spera ku lo e yuda bo krese spiritualmente i prepará bo mihó pa kana den e kaminda smal ku ta hiba na bida den Dios su hustu mundu nobo.”

Si e studiante ta kualifiká pa boutismo promé ku e kaba di studia e bukinan aki, lo mester sigui ku e estudio te ora e kaba ku e di dos buki. Maske e studiante a batisá, esun ku ta kondusí e estudio tin mag di konta e ora, e rebishita i e estudio di Beibel. E publikadó ku ta bai estudio kuné tambe tin mag di konta e ora si e partisipá.