Rekordatorionan pa Memorial

Komo preparashon pa Memorial e ansianonan mester presta atenshon n’e siguiente puntonan:

◼ Hasi sigur ku lo no pasa e emblemanan promé ku solo baha.

◼ Mester buska i prepará e tipo korekto di pan i biña.—Wak E Toren di Vigilansia di 15 di febrüari 2003, página 14-15.

◼ Di antemano mester hiba un mesa apropiá ku paña di mesa, kèlki di glas òf plèstik i tayó na e lugá di reuní, i pone nan na nan lugá.

◼ Di antemano mester limpia e Salòn di Reino òf e lugá ku ta bai usa a fondo.

◼ Di antemano mester skohe ùsher i esnan ku ta pasa ku e emblemanan i instruí nan tokante e prosedura korekto i nan tareanan; rekordá nan pa nan manera di bisti i peña ta digno di e okashon.

◼ Mester hasi areglo pa sirbi e emblemanan na kualke ruman ungí ku ta enfermo i ku no por ta presente.

◼ Ora mas ku un kongregashon ta plania pa usa e mesun Salòn di Reino, mester tin bon kordinashon entre e kongregashonnan pa asina evitá kongestionamentu innesesario na e entrada, den lòbi, riba asera públiko i na e lugá di stashoná outo.

◼ Si ta bai usa un otro lugá pa reuní, hasi sigur ku tin un ekipo di zonidu apropiá pa asina tur hende presente por tende e oradó.