Kiko Nos Por Bisa di e Revistanan

E Toren di Vigilansia 1 di Yüni

“Bukinan ku ta duna konseho enkuanto kon pa lanta yu, tokante amor i desaroyo personal ta masha popular awe. Abo ta haña nan útil? [Permití e persona kontestá.] Hopi hende ta lubidá riba e fuente di konseho sabí akí. [Lesa 2 Timoteo 3:16.] E revista akí ta splika dikon nos por konfia Beibel i e ta duna nos algun ehèmpel di konseho práktiko ku tin den dje.”

¡Despertad! Yüni

“Nos tur konosé hende ku a muri. Bo ta kere ku nos mester tin miedu ku algun di nan por ta rabiá ku nos i ke hasi nos daño? [Permití e persona kontestá. Despues, lesa Eklesiastés 9:5 i 6.] E artíkulo akí lo duna bo konsuelo.” Presentá e artíkulo ku ta kuminsá na página 22.

E Toren di Vigilansia 1 di Yüli

“Hopi hende ku tin un Beibel ta hañ’é difísil pa komprondé. Abo a yega di sinti asina? [Permití e persona kontestá.] Segun e versíkulo akí, e Outor di Beibel ke pa nos komprondé su Palabra skirbí i benefisiá for di dje. [Lesa Proverbionan 2:1 i 5.] E revista akí ta duna tres sugerensia ku lo yuda nos komprondé Beibel.”

¡Despertad! Yüli

“Awendia, hopi hende ta kai den depreshon. Bo ta kere ku Dios ta interesá den hende ku ta sufri emoshonalmente? [Permití e persona kontestá. Despues, lesa Salmo 34:18.] E revista akí ta splika kon hende deprimí por risibí yudansa di Dios, asta si nan mester haña tratamentu médiko tambe. E ta duna sugerensianan tambe tokante kiko nos por bisa pa konsolá nan.”