Kaha di Pregunta

◼ Kiko bo mester hasi si bo hãna órdu pa stòp di prediká?

A yega di sosodé ku polis a aserká publikadónan ku tabata den sirbishi i a bisa nan pa stòp di prediká pasobra nan ta violando lei. Si esei sosodé ku bo, sali mesora for di e teritorio na un manera respetuoso. (Mat. 5:⁠41; Fil. 4:⁠5) No purba solushoná e asuntu riba bo mes dor di drenta un diskushon enkuanto nos derechonan legal. Si ta posibel, na un manera diskreto purba haña sa nòmber di e polis i tambe na kua warda e ta pertenesé. Despues di esei, informá e ansianonan mesora, i nan lo tuma kontakto ku sukursal pa splika kiko a pasa. Meskos tambe, si un persona na enkargo di un kompleho di apartamento òf kualke otro representante pidi bo bandoná e sitio, obedesé mesora i informá e ansianonan. Ora nos ta trata hende ku tin outoridat na un manera humilde, nos por prevení hopi problema innesesario.—Pro. 15:1; Rom. 12:18.