Sea Asina Bon di Bishitá Nan Mesora

Bishitá ken mesora? Personanan ku pidi literatura òf ku pidi pa trese revista regularmente pa nan òf esnan ku lo kier pa un Testigu bishitá nan na kas. Di unda e petishonnan aki ta bini? Di hendenan ku ta tuma kontakto ku sukursal via karta, telefon òf via Internet riba nos Web site ofisial. Ora hende mustra interes di e manera ei, sukursal ta notifiká e kongregashon lokal. Ora e ansianonan risibí un notifikashon, mesora nan mester duna esaki na un publikadó ku diligentemente lo duna mas yudansa na e persona ku a mustra interes. Si e publikadó tin problema pa haña e persona na kas, lo e por purba tuma kontakto kuné via telefon òf laga un nota na un manera diskreto na su kas. Si ansianonan pidi bo pa bishitá un persona asina, sea asina bon di hasi tur esfuerso posibel pa haña kontakto ku e persona interesá mesora.