Laga Nos Atendé Nan Mesora

Desde ku nos website a haña un bachi nobo, e kantidat di petishon online pa estudio di Beibel a oumentá drástikamente. E dos maneranan nobo pa prediká den área públiko tambe a generá hopi petishon. Sukursal ta atendé e petishonnan akí mas lihé posibel. Si por ehèmpel un petishon drenta via jw.org, e ansianonan di e área di e persona interesá mayoria di biaha ta haña notifikashon di sukursal denter di dos dia. Sinembargo, ta parse ku algun persona ku a pidi un estudio di Beibel tin biaha tin ku warda simannan largu pa un ruman tuma kontakto ku nan. Kon nos por hasi sigur ku nos ta bishitá nan promé ku nan interes fria?—Mar. 4:14, 15.

Si un persona mustra interes pero e no ta biba den bo teritorio, yena e formulario Por Fabor Atendé (S-43) mesora i duna e sekretario pa mas tardá na e siguiente reunion. E sekretario tin ku manda e informashon den ménos ku dos dia na e kongregashon korespondiente òf na sukursal (via e tab Congregacíon riba jw.org). Ansianonan mester bai na e website akí regularmente pa chèk si tin algu pa nan. Ora nan haña un petishon pa bishitá un persona, nan mester atendé esaki mesora. Si nan pidi abo pa bishitá e persona, bo mester duna esaki prioridat. Si e persona no ta na kas, kisas bo por laga un nota atras ku bo dato di kontakto.