Kon pa Usa e Formulario Por Fabor Atendé (S-43)

Nos mester yena e formulario akí ora nos topa un persona interesá ku no ta biba den nos teritorio òf ku ta papia un otro idioma. Maske den pasado nos a usa e formulario akí ora ku nos a topa un hende ku ta papia un otro idioma, sea ku e ta interesá òf nò, awor nos lo us’é solamente si e persona mustra interes. E úniko eksepshon lo ta si e persona ta surdu. Si nos topa ku un persona surdu, sea ku e ta mustra interes òf nò, nos mester yena e formulario S-⁠43.

Kiko nos mester hasi ku e formulario despues ku nos a yen’é? Nos mester dun’é na e sekretario di kongregashon. Si e sa ta pa kua kongregashon e tin ku mand’é, e por simplemente mand’é pa e ansianonan di e kongregashon ei, i nan lo hasi areglo pa sigui yuda e persona interesá. Si e no sa ta pa kua kongregashon e tin ku manda e formulario, e ora ei lo e mand’é pa sukursal.

Si e persona interesá ta papia un otro idioma i ta biba den bo teritorio, bo por sigui bishit’é pa kultivá su interes te ora ku un publikadó di un kongregashon ku ta papia su idioma kuminsá bishit’é.​—⁠Wak Nos Ministerio di Reino di novèmber 2009, página 4.