Yuda Nan Haña un Testimonio Mas Kabal
1 Hopi bes ora nos ta kompartí e bon nobo ku otro hende, nos ta topa hende ku ta biba pafó di nos teritorio òf ku ta papia un otro idioma, inkluso e idioma di seña. Tin tambe hendenan ku nos tabatin bon kòmbersashon kuné ku kisas ta muda bai for di nos teritorio. Ki areglo nos por hasi pa e personanan ei haña un testimonio mas kabal? Dor di usa e formulario Por Fabor Atendé (S-43-PA).
2 Hopi bes hende ta skucha ku mas atenshon n’e bon nobo ora nan tend’é den nan propio idioma. (Echo. 22:1, 2) P’esei, den mayoria kaso, ora nos topa un persona ku ta papia un otro idioma, nos mester yena e formulario asta si e persona no ta mustra interes den e mensahe di Reino. Sin embargo, kaminda tin un poblashon bastante grandi di hende ku ta papia un otro idioma ku regularmente ta haña testimonio den nan idioma, no ta nesesario pa yena e formulario, a ménos ku e persona mustra interes.
3 Kon pa Yena e Formulario: Purba na un manera diskreto pa haña nòmber, adrès i number di telefon di e persona. Indiká e grado di interes ku el a mustra, ki ora por haña e persona, e literatura ku bo a laga serka dje òf ku el a pidi, i e idioma ku e ta komprondé mihó. Despues di a yena e formulario kompletu, dun’é mas pronto posibel na e sekretario di bo kongregashon, kende lo mand’é pa e kongregashon òf grupo korekto.
4 Kon pa Manda e Formulario: Si e sekretario no sa ta kua kongregashon òf grupo mester haña e formulario òf e no tin nan adrès, e por mand’é pa sukursal.
5 Ki ora ku un kongregashon òf grupo risibí un formulario Por Fabor Atendé yená, mester hasi areglo pa bishitá e persona mesora. Segun ku nos ta kumpli ku nos parti diligentemente, nos por ta sigur ku Yehova lo habri kurason di e hendenan ku tin “e disposishon korekto pa bida eterno.”—Echo. 13:48, NW.