Kiko Nos Por Bisa di e Revistanan

E Toren di Vigilansia 1 di Òktober

“Nos tur ta enfrentá retonan den bida. [Menshoná algun ku ta komun den bo teritorio.] Bo ta kere ku Dios por yuda nos trata ku nan? [Permití e persona kontestá.] Den e versíkulo akí Hesus ta mustra kua ta un manera ku Dios ta yuda nos. [Lesa Lukas 11:⁠13.] E revista akí ta splika kiko spiritu santu ta i kon esaki por yuda nos.”

¡Despertad! Òktober

“Bo ta di akuerdo ku famianan ta enfrentá vários reto awe? [Permití e persona kontestá.] Hopi hende no ta konsiente ku Beibel tin konseho práktiko. Wak un ehèmpel aki. [Lesa un teksto bíbliko ku tin den e revista.] E edishon spesial akí di ¡Despertad! ta mustra kon prinsipio bíbliko por yuda famianan trata eksitosamente ku vários situashon.”

E Toren di Vigilansia 1 di Novèmber

“Bo ta kere ku tur loke e iglesianan ta siña ta basá riba Beibel? [Permití e persona kontestá.] Beibel ta bisa nos pa tene kuidou pa nos no bira víktima di loke no ta bèrdat. [Lesa Kolosensenan 2:⁠8.] E revista akí ta trata seis siñansa tradishonal ku ta na konflikto ku e Palabra di Dios.”

¡Despertad! Novèmber

“Aparatonan elektróniko manera selular i kòmpiuter a bira un parti normal di nos bida. Bo ta kere ku nan ta pone hende gana tempu òf pèrdè tempu? [Permití e persona kontestá.] Mayoria di hende lo bai di akuerdo ku e siguiente animashon pa hasi bon uso di nos tempu. [Lesa Efesionan 5:​15 i 16.] E revista akí ta mustra kon nos por usa teknologia den un manera balansá i konsiente.”