Kiko Nos Por Bisa di e Revistanan

E Toren di Vigilansia 1 di Novèmber

“Bo ta kere ku tur loke e iglesianan ta siña ta basá riba Beibel? [Permití e persona kontestá.] Beibel ta bisa nos pa tene kuidou pa nos no bira víktima di loke no ta bèrdat. [Lesa Kolosensenan 2:⁠8.] E revista akí ta trata seis siñansa tradishonal ku ta na konflikto ku e Palabra di Dios.”

¡Despertad! Novèmber

“Bo ta haña ku religion ta promové amor i pas, òf odio i violensia? [Permití e persona kontestá.] Ta parse ku hopi di nan no ta apliká e palabranan akí di Hesus. [Lesa Mateo 5:44 i 45.] E artíkulo akí ta kontestá e pregunta: Ta posibel pa un hende stima su enemigunan?” Hala atenshon na e artíkulo ku ta kuminsá na página 10.

E Toren di Vigilansia 1 di Desèmber

“Bo ta kere ku un dia Dios lo kaba ku tur sufrimentu riba tera? [Permití e persona kontestá.] Tuma nota di e promesa bíbliko akí ku ta duna nos speransa. [Lesa un di e tekstonan den e kuadro na página 7.] E revista akí ta splika loke Beibel ta bisa tokante e tempu i e manera ku Dios lo kaba ku tur sufrimentu.”

¡Despertad! Desèmber

“Algun hende ta kere ku e universo a ser kreá, miéntras ku otronan ta pensa ku el a bini na eksistensia pa kasualidat i ku e no tin un propósito opvio. Kiko abo ta pensa? [Permití e persona kontestá.] Wak kiko Beibel ta bisa aki. [Lesa Hebreonan 3:⁠4.] E revista akí ta duna un splikashon lógiko di e orígen i propósito di e universo.”