Kiko Nos Por Bisa di e Revistanan

E Toren di Vigilansia 1 di Novèmber

“Nos tur ke sinti nos satisfecho den bida. Bo ta kere ku nos tin mester di plaka pa nos ta satisfecho? [Permití e persona kontestá.] Un eskritor di Beibel a siña di ta satisfecho ora e tabatin tiki. [Lesa Filipensenan 4:​11 i 12.] E revista akí ta papia riba sinku sekreto bíbliko ku por yuda hende haña un sintimentu di satisfakshon.”

¡Despertad! Novèmber

Lesa 2 Timoteo 3:⁠16. Despues bisa: “Abo ta kere ku nos por konfia tur loke Beibel ta bisa? [Permití e persona kontestá.] E artíkulo akí ta mustra kon arkeologia i historia ta konfirmá loke Beibel ta bisa tokante Egipto di antigwedat.” Hala atenshon na e artíkulo ku ta kuminsá na página 15.

E Toren di Vigilansia 1 di Desèmber

“Hopi hende ta kere ku tin kriaturanan inteligente den e region spiritual ku tin influensia riba nos bida. Kiko abo ta pensa? [Permití e persona kontestá. Despues lesa Revelashon 12:​7-⁠9.] E revista akí ta mustra loke Beibel ta bisa tokante esnan ku ta biba den e region spiritual, ki efekto nan tin riba nos bida i si nos por tin kontakto ku nan.”

¡Despertad! Desèmber

“Bo a yega di puntra bo mes dikon hende ta selebrá Pasku dia 25 di desèmber siendo ku Beibel no ta bisa riba ki dia Hesus a nase? [Permití e persona kontestá.] Segun e teksto di Beibel akí, Hesus no por a nase den tempu di wenter. [Lesa Lukas 2:⁠8.] E revista akí ta revelá e orígen di algun kustumber popular konektá ku Pasku di Nasementu.”