Bo Ta Kla pa Kanta pa Yehova na Nos Reunionnan?
1 Preparashon pa partisipá na nos reunionnan ta enserá entre otro trein e kantikanan di alabansa. Konsiderá e siguiente sugerensianan.
2 Komprondé e Letranan: E tema bíbliko i tekstonan di Beibel adishonal ku tin na final di kada kantika ta sirbi pa enfatisá ku e letra ta basá riba Beibel.
3 Trein: Lo ta bon si kada siman boso por usa un par di minüt di boso Adorashon Komo Famia pa familiarisá ku e kantikanan nobo. Boso por usa e grabashon musikal di piano pa kanta e kantikanan ku nos lo bai usa na kada un di e reunionnan. Kisas boso por usa e melodia i letra di algun kantika na ingles dor di skucha Sing to Jehovah—Vocal Renditions, Disc 1.
4 Lo bo ta kla pa kanta e wikènt akí ora nos kuminsá usa e foyeto Kanta pa Yehova na e Estudio di Toren di Vigilansia? Si bo tuma tempu pa komprondé nifikashon di e kantikanan i trein nan, lo bo ta kla pa kanta.