Tep di Luna

Siña Nos Kantikanan for di Kabes

“Ora mi ta sinti ku mi no ta bal nada, Yehova ta usa e kantikanan di JW Broadcasting^® pa animá mi.”—Lorraine, Merka.

Kristiannan semper a kanta kantika pa alabá Yehova. (Kol. 3:16) Ta bon pa bo siña nos kantikanan spiritual for di kabes. Dikon? Yehova por usa nan pa animá bo asta ora bo no tin buki di kantika òf tablet. E siguiente tepnan por yuda bo siña e kantikanan for di kabes.

• Pa komprondé e kantika, lesa su letra bon. Ora nos komprondé algu ta mas fásil pa kòrd’é. Riba jw.org bo ta haña letra di tur nos kantikanan, inkluso esnan di Broadcasting i di mucha. Klek riba e sekshon Biblioteka, anto bai na Músika.

• Skirbi e letranan. Esaki lo yuda bo kòrda nan mas mihó ainda.—Deu. 17:18.

• Train na bos haltu. Lesa òf kanta e kantikanan regularmente.

• Wak si bo ta kòrda. Purba di kòrda e letranan sin wak nan. Kaba, wak kon serka bo tabata.