Kiko Nos Por Bisa di e Revistanan

E Toren di Vigilansia 1 di Sèptèmber

Menshoná un notisia ku ta preokupá hende den teritorio. Despues bisa: “Bo a yega di puntra bo mes dikon hende ta hasi asina hopi kos malu? [Permití e persona kontestá.] Pero Beibel ta mustra dikon nos por karga speransa. [Lesa 2 Pedro 3:⁠13.] E revista akí ta duna un splikashon bíbliko dikon tin maldat i kon pronto Dios lo pone un fin na dje.”

¡Despertad! Sèptèmber

Lesa Mateo 5:39. Kaba bisa: “Bo ta kere ku Hesus tabata ke men ku nos mester sufri den silensio ora hende trata nos inhustamente? [Permití e persona kontestá.] E artíkulo akí ta mustra kiko Beibel ta bisa tokante defensa propio i buskamentu di protekshon legal.” Hala atenshon na e artíkulo ku ta kuminsá na página 10.

E Toren di Vigilansia 1 di Òktober

“Rònt mundu hende di diferente religion ta hasi orashon. Bo ta kere ku Dios realmente ta tende i kontestá orashon? [Permití e persona kontestá.] Beibel ta animá nos pa hasi orashon. [Lesa Filipensenan 4:6 i 7.] E revista akí ta duna kontesta riba shete pregunta ku hende sa hasi tokante orashon.”

¡Despertad! Òktober

“Hopi bes nos ta tende ku hende ta ser traishoná pa nan kasá, polítikonan i otro hende. Bo ta kere ku dia pa dia ta bira mas difísil pa haña hende konfiabel? [Permití e persona kontestá.] Hopi hende ta pensa ku e siguiente teksto bíbliko ta kumpliendo. [Lesa 2 Timoteo 3:1-5.] E revista akí ta yuda nos mira ku ainda tin hende konfiabel.”