Nos Lo Ofresé e Foyeto Nobo!

1. Kiko nos lo ofresé durante novèmber, i kiko ta propósito di e publikashon akí?

¹ Na nos Kongreso di Distrito 2009 “Keda Alerta!” nos a haña un foyeto nobo (na spañó) titulá Beibel i Su Mensahe. Durante novèmber kongregashonnan rònt mundu lo ofresé e foyeto akí pa promé biaha. Kon e foyeto lo benefisiá hende den nos teritorio? Mayoria di hende, spesialmente esnan di religionnan no-kristian, sa masha poko di Beibel. P’esei, na página 3, e foyeto ta splika ku su meta ta pa duna “un resúmen di Beibel.”

2. Kon nos por ofresé e foyeto?

² Kon Nos Por Ofres’é: Nos lo por bisa algu asin’akí: “Nos tin gana di sa kiko bo ta pensa di lo siguiente. [Lesa 2 Timoteo 3:⁠16.] Hopi hende ku nos papia kuné ta di akuerdo ku e palabranan ei; otronan ta pensa ku Beibel ta djis un bon buki. Kiko abo ta pensa di Beibel? [Permití e persona kontestá.] Sea kual sea nos kreensia religioso, tin bon motibu pa nos mes eksaminá loke Beibel ta bisa. [Lesa e paragraf di introdukshon ku tin na página 3.] Segun ku bo ta lesa e resúmen breve i emoshonante di Beibel ku tin den e foyeto akí, lo bo mira algu interesante: Beibel tin ún tema i ún mensahe.”

3. Kua presentashon mas nos por usa, spesialmente den teritorionan kaminda tin hopi hende di religionnan no-kristian?

³ At’akí un opshon mas, spesialmente pa ora nos ta prediká kaminda tin hopi hende di religionnan no-kristian: “Nos tin gana di sa kiko bo ta pensa di loke tin pará skirbí den e Skritura (òf den e buki santu akí.) [Lesa Salmo 37:⁠11.] Kon bo ta kere ku e tera lo bira ora e profesia akí kumpli? [Permití e persona kontestá.] Esaki ta djis un ehèmpel di e speransa i konsuelo ku Beibel ta duna hende di tur kultura i kredo.” Lesa e paragraf di introdukshon na página 3, i ofresé e foyeto.

4. Kon nos por usa e foyeto pa kuminsá un estudio di Beibel?

⁴ Kuminsá un Estudio di Beibel: Ora nos rebishitá e doño di kas, nos lo por kòrd’é riba e tópiko ku nos a trata biaha pasá i bai na e tópiko ei den e foyeto. Papia riba ún òf dos paragraf usando e preguntanan na final di e sekshon ei. Òf si nos ta deseá di introdusí e buki Beibel Ta Siña mesora, nos por lesa e informashon parti patras di e foyeto ku e doño di kas, dun’é un buki, puntr’é kua kapítulo e ta haña mas interesante, i trata ún òf dos paragraf di e kapítulo ei kuné. Laga nos tur partisipá plenamente den ofresé e foyeto akí durante novèmber!